【海濱同你親子遊】

7 月 26 日（日）下午四時半至六時

各位大小朋友，相信大家都因為疫情緣故被困家中好耐。要疫情退散，好需要大家嘅合作 #stayhome！雖然仲未有得出去玩，但我哋都想帶大家感受吓夏日嘅太陽，同時聽吓得意嘅故仔！今個暑假，活現香港特別推出【海濱同你親子遊】虛擬導賞團，由雄仔叔叔阮志雄同我哋遊下堅尼地城，講下西環嘅故仔。各位大小朋友想留喺屋企吹住冷氣、食住雪糕咁都可以認識香港故事，就要快啲報名同我哋 ZOOM 住嚟海邊散吓步啦！

特別嘉賓：雄仔叔叔（阮志雄）

阮志雄，人稱雄仔叔叔。曾當中學教師、幼兒教育工作員，劇團教育主任。於 1994 年創辦「慢慢走故事坊」，自此成為全職工匠，製作想像的真實。他亦是組織「四圍講古」的成員，毎月舉辦講古聚會，建立公眾講古平台。

8 月 2 日（日）下午五時半至七時

炎炎夏日，不用上班上學時在家中「嘆冷氣」固然十分舒適，但你有沒有想過，有一天你可以由平凡的打工仔或學生，搖身一變成為攝影大師呢？

今個夏天，【海濱同你影靚相】導賞團有專業攝影導師 Luke Chan 隨行，精挑細選人氣「打卡」熱點，包括換上了新裝的唐樓、好有生活態度的新派雜貨店等，並且沿途講授攝影竅門。

參加者還可以在導賞團期間展示作品，交由攝影導師點評，當中的佳作更有機會會在卑路乍灣海濱一帶作公開展示！

行程中當然還有其他「隱世景點」，記得參加【海濱同你影靚相】導賞團，與我們一起搵靚景、影靚相！

特別嘉賓：Luke Chan

曾從事多年 User Experience Design，這幾年專注攝影工作，主要教授攝影，提供不同形式的拍攝服務，還有跟不同的品牌合作，分享會或工作坊。對於 Luke 來說，攝影是透過了解光與影及器材的特性去演繹自己的世界。

教學大綱

• 善用不同焦距的鏡頭拍攝出不同感覺的照片
• 拍攝風景及人像的不同的構圖技巧
• 利用不同的拍攝角度去拍出更有趣的照片
• 拍攝全景圖的技巧
• 以街拍形式捕捉更自然的風景
• 利用 CPL 濾鏡去拍出更豐富色彩的風景照片
• 黃昏時逆光拍攝人像的技巧
• 留意光影去發掘一瞬間有趣的光景

8 月 9 日（日）下午五時半至七時

幫人打卡又或者自己去打卡就聽得多啦，咁唔知屋企有毛孩嘅你又有冇諗過其實可以同寵物一齊打卡呢？而家機會嚟啦！

活現香港聯同發展局同海濱事務委員會將會推出【海濱同你放下狗】虛擬導賞團，請嚟寵物攝影師 Jeffery Sham 同佢嘅狗狗帶你行勻堅尼地城嘅 IG 打卡熱點，教你同愛寵齊齊影靚相，順便重可以聽吓堅尼地城鮮為人知嘅故事同歷史！遲啲帶埋你嘅毛孩一齊落堅尼地城玩，一個唔覺意話唔定佢會成為寵物界 KOL 添！

特別嘉賓：Jeffrey Sham @ JS Production

專業寵物攝影師，投身影視業界超過七年，擁有豐富攝影教學經驗。2017-2019 成為全港首個私人飛機寵物旅遊指定攝影師，亦曾擔任 2018 香港寵物展大會指定攝影師，參與過多個電視廣告及寵物微電影的拍攝。

狗狗簡介

• Caramel，七歲的伯恩山犬，溫柔的巨人。
• Biiru，一歲的長毛臘腸犬，愛親近人的小朋友。

（視乎當日情況，將安排上述至少一隻現身於鏡頭前）