2014-03-18  （本文乃是節錄，全文請看東touch第981期）

好像參與電影

本身從事金融行業、與電影業扯不想關係的奇夫，偏偏對電影有着一份狂熱，經過多年按圖索驥式找尋電影取景地點後，曾經將發現結集推出了《電影現場之旅（港島篇）》一書。他說：「以前我只係一個觀眾，但當我去到電影拍攝場地，我就好似有份參與電影咁。」之前奇夫已跟不同機構舉辦過數次類似的導賞團，每次的路線也不同，因去年一次是由香港大學邀請舉辦，所以他特意加入了港大的景點。而今次這條路線可算是上次的延續，所以由港大出發，一路走至中環。

Out少少tag一句：鍾意電影，你可以去到幾盡？有些人會不停喪煲戲，有些人會收藏電影物品，更有些人會費盡心思發掘電影的取景地點，前往朝聖一番，電影迷「奇夫」就是最後這類人。適逢今年的香港國際電影節臨近，3、4月可謂香港的電影月，奇夫便聯同Walk in Hong Kong舉辦一個「香港電影之旅」導賞團，帶領其他影迷遊走於中西區之間，尋找電影拍攝地點，邊行邊講它們與電影的關係。3小時的行程，大家能重回舊至80年代初新浪潮、新至去年的《狂舞派》，合共33部電影的實景，親身體驗各個名場面。這次《東TOUCH》率先帶大家遊歷其中20套戲的景點，想走畢全程的話，大家就要趕快報名參加這個導賞團喇！

香港電影之旅

導賞：奇夫
日期：3月23日（星期日）
時間：2:00–5:00pm
集合地點：香港大學東閘大牌坊
解散地點：中環
費用：$350
注意：全程走斜坡，請穿着適合的鞋襪。
查詢：5511 4839（Walk in Hong Kong）
網址：www.walkin.hk

場景能說故事

對於電影的取景，奇夫還有一番見解：「其實拍攝地點都可以講故事，因為從中會交代到戲中人物背景、出生、階層呢啲資料，對深化內容有幫助。」至於今次導賞團的路線選在中西區，他亦認為有其獨特之處。「首先係中西區本來就有好多山路斜路，愛嚟拍戲會好有特色，好多外國人都好鍾意。而且香港呢幾十年由工業社會轉營成服務行業社會，好多地區都變得好厲害，但係中西區因為以前冇乜工廠，所以轉變反而唔大，比較保存到舊貌，同埋亦見到舊時城市規劃到好亂糟糟，好似呢邊係高級寫字樓，但轉個彎就可能見到街市舊樓。」若再將地方跟時代合併起來觀察，還會發現當中有不少有趣變化，「好似1999年嘅《流星語》同2011年嘅《單身男女》，兩套戲嘅故仔主要都喺呢區發生，兩套戲都講主角經歷咗唔同嘅金融風暴，但係由於《單身男女》係開放自由行之後，所以呢區好多地方由睇落好破舊，變晒而家嘅高消費店舖。」所以電影確實能反映社會的演變。

發掘其他區景點

去完中西區電影自由行之後，大家還可以跟着奇夫的《電影現場之旅（港島篇）》，再走遍港島其餘的電影景點。還未夠喉的話，Facebook也有一個「電影朝聖」群組，版主與其他有心影迷經常會出post公開全港電影拍攝地點，有興趣不妨加入一起朝聖。