成日旅行都飛去台灣日本韓國，唔通香港真係無嘢好睇咩？咁可能係你未夠認識香港啦，不知有幾多景點你見到都見過，識旅行一定係去香港啦！MIDO就同活現香港Walk in Hong Kong搞咗個城市建築深度遊，帶你睇就係左近嘅6個景點，畀你試吓做真文青：

Text & Photo: Pinky

1. 皇都戲院 (北角)

唔講你唔知，1952年嘅皇都戲院為咗入面無柱擋住個view，整咗個飛拱樓頂，而呢個設計仲係世界上獨一無二架！平時真係唔察覺北角有個咁勁嘅建築，你無理由錯過啦？

2. 蓮花宮(大坑)

大坑舞火龍你一定有聽過啦？但係佢出發地點蓮花宮你又聽過未呢？知唔知點解佢個露台咁近地面？又知唔知點解佢兩個入口係側邊？係咪好似問緊《千奇百趣》啲問題呢？想知答案就梗係要親身嚟睇啦。

3. 香港聖公會聖馬利亞堂(銅鑼灣)

Source: MIDO

明明係西方教堂，但個樣就似足中國啲廟，唔講仲以為係咪圓玄學院啲Friend。人哋咁設計一定有原因啦，呢間教堂仲係大名鼎鼎嘅林護設計，中西合璧得嚟又毫無違和感，呢個大作一定要睇啦。

4. 基督君王小堂(銅鑼灣)

Source: MIDO

就算係銅鑼灣返工，都未必知呢個地方，因為呢個係私人教堂嚟，一般人係無機會參觀架。而佢最特別就係羅馬式建築，就咁睇仲以為係羅馬神殿，唔洗飛十幾鐘去歐洲睇。

仲有第5同6個會係咩？想知可以留意以下資料，報名參加呢個城市深度遊，認識一下不一樣的香港。

「MIDO城市建築深度遊」：

報名日期： 8 月26至28日 (星期五至日，上午11時至晚上10時)

報名地點： 尖沙咀海港城港威商場大堂 II「MIDO錶藝X建築紙雕藝術展」

報名方法： 即場於Facebook讚好Mido Watches專頁，並在「MIDO靈感之源投選」作出投票，即可免費報名 (每日名額有限，先到先得，額滿即止)

活動日期： 2016年9月10日 (星期六) 及17日 (星期六)

閱讀原文