報名須知

所有參加者一經報名，即視作已閱讀下列報名須知以及「繳費方法」的內容，並同意受其約束。

防疫政策相關事項

1. 導賞團已取得《預防及控制疾病（禁止羣組聚集）規例》下對持牌旅行社舉辦本地遊旅行團之有條件豁免。根據政府要求，參加者必須：
   1. 符合出團當時適用的「疫苗通行證」要求 ，並於出團當日攜帶設有二維碼之接種／豁免／康復紀錄，以供工作人員核對；
   2. 攜帶裝有「安心出行」應用程式的智能手機（未滿 16 歲或年滿 65 歲之參加者除外）；及
   3. 於參加導賞團當日進行 2019 冠狀病毒快速抗原測試（RAT），並提交陰性結果證明予本公司（詳細方法待定）。
2. 活現香港將為所有參加者購買包含 2019 冠狀病毒病保障的本地旅遊保險。參加者須於報名時提供身份證上之全名（中文或英文）及身份證號碼最後四位字元（括號包括在內，例如身份證號碼為 Y234567(A)，請填報 567(A)）。上述資料只用作向保險公司投保之用。
3. 參加者在活動中必須保持適當社交距離，按照相關的規例佩戴口罩，並只在相關的措施豁免的情況除下口罩。

報名方法

1. 如欲參加是次活動，必須於網上預先遞交報名，並在指定日期前清繳團費。恕不接受即場報名，亦不受理即場付款。
2. 活動名額以先到先得形式分配。

放映會

1. 放映會參加者請在開場時間至少十分鐘前到達高先電影院（堅尼地城吉席街 2 號）地下大堂報到及換領戲票。
2. 放映會部份之座位將會隨機編配予各參加者，未能容許參加者指定座位。

場景遊

1. 導賞員將用無綫收發系統輔助講解，因衞生理由，建議參加者盡可能自備 3.5 mm 制式耳筒，接駁屆時分發的無綫接收器；工作人員亦會攜帶足夠數量的耳筒供參加者取用。
2. 部份景點屬於住宅或居民起居空間，參加者請保持安靜，尊重現場住戶。若參團人數較多，將安排分組入內參觀。

其他

1. 有關退訂政策，請參閱《活現香港本地遊條款及細則》。
2. 本團受《活現香港本地遊條款及細則》所制約。活現香港（文化）有限公司保留有關是次活動的最終決定權。
3. 因應 2019 冠狀病毒病的疫情發展，以上節目的安排或有所調整，請留意我們的最新公佈。
4. 如有任何關於公眾導賞團的查詢，可電郵 [email protected] 與活現香港聯絡。

以信用卡繳付團費

1. 於報名系統輸入個人及聯絡資料。
2. 於「訂單彙總」畫面選取「全額支付」，跟從指示輸入信用卡資訊，即可直接繳付團費及確認留位。

（若你經 Tap & Go 拍住賞領取消費券，你可以使用帳戶內的消費券虛擬信用卡繳付團費，步驟如上。）

活現香港使用 Stripe 處理信用卡交易。信用卡詳情會由 SSL 直接傳送至安全的電子儲備系統，不會儲存於活現香港的伺服器上。

《緣路山旮旯》將會喺 2022 年 8 月上映，套戲入面，宅男主角阿厚（岑珈其飾）嘅五段情緣，遍佈香港最山旮旯嘅地方，包括梅子林、荔枝窩、沙頭角、大澳、澄碧邨等，呢堆名唔知你又聽過幾多？

為咗令到大家有機會一睹呢啲地方嘅靚景，我地活現香港作為呢套電影嘅聯合監製之一，會聯同導演同埋「電影朝聖 Film Pilgrimage」，籌劃三次嘅場景遊，由海陸兩路出發，遍尋香港最山旮旯嘅角落。嚟緊九月，仲會有荔枝窩兩日一夜遊，為大家炮製一個山旮旯 Staycation！頭兩團已經開始接受報名。名額有限，大家快啲報名！

《緣路山旮旯》——香港最山旮旯嘅電影場景遊（陸路團）（FFA-Land）

講起上山下海，7月16日（星期六）除咗有戲睇，全程仲有專車接送，去勻曬你曾經聽過或者完全陌生嘅山旮旯地帶。我哋會先探索戲內嘅主要取景場地——茶果嶺村。佢好快就會進行重建，想睇要趁早！跟住走過埋聖言中學舊址，齊齊懷緬少年時代。下一站係沙頭角禁區外圍，一睹戲中蘇麗珊與岑珈其漸生情愫嘅曖昧一角。除咗鏡頭下嘅電影場景，北區仲有好多隱世景點值得尋幽探秘，所以之後會一口氣去勻鏡蓉書屋、粉嶺圍、志記𠝹木廠同馬草壟。想一睹邊境風景，嗱嗱聲見字報名！

《緣路山旮旯》——香港最山旮旯嘅電影場景遊（海上團）（FFA-Sea）

玩完陸路團意猶未盡？7月24日（星期日）仲有海上團，同樣有戲睇又有場景遊，途上除咗有專車接送，仲會有一隻遊艇同大家上山下海。我哋會先遊覽電影嘅取景地點，然後駛入長洲，窺探電影入面一個神秘景點，之後就登上遊艇，由長洲出發到澄碧邨沙灘，再踩入大澳，全程仲有導演相伴遊船河，同你細味沿途風光，玩足全日！船位有限，等埋你就出發！

#20人成團 #齊人出發