無論係啱啱起步，抑或已經與社區同行咗幾十載嘅企業，活現香港都深諳以創新嘅形式，為佢哋策劃難忘又有意義嘅周年慶祝體驗！
2022年 10 月，活現香港同英皇集團協辦「一喜活現・英皇80年」慈善虛擬導賞活動，邀請咗超過 800 位長者參與。活動無懼疫情阻隔，以預拍片結合實時直播嘅線上導賞團，帶一眾參與者穿梭八十年間嘅歷史，重現佢哋年輕時嘅娛樂回憶，仲邀請到「軒公」張敬軒為大家驚喜獻唱，將呢一份週年慶祝嘅喜悅活現於公眾眼前。
超過800位長者參與線上導賞團
周年活動除咗可以邀請長者參與，仲可以諗吓點樣做到大人細路同樂！我哋為樂高香港 90 周年度身訂造嘅親子巴士遊，畀參加者置身於滿佈 LEGO 嘅巴士之中，遊走於香港街頭，同時發揮創意，拼砌出充滿童趣嘅玩具同食物，呼應樂高一直以嚟鼓勵創意嘅精神。
唔少香港企業都一直陪伴香港人成長，喺廣大市民生活中佔有一席位，若然可以喺企業周年慶祝之時向公眾強調「共同成長」帶出呢個訊息，就再合適不過喇。趁慶祝中華電力公司服務香港 120 年，活現香港為公司企劃「中電社區電力之旅」，聯同學校及社福機構舉喺紅磡、屯門、深水埗、荃灣西等地區辦咗一系列導賞團。透過尋找美化咗嘅配電箱，教授有趣嘅電力知識。跟隨導賞團遊覽歷史建築同光顧老字號，品嚐充滿人情味嘅特色小食，旅程亦令參加者明白電力對於社區發展係幾咁重要。
無論係以線上形式帶領長者緬懷過去，定係同各位大小朋友實地出去行一行，活現香港都能夠有技巧咁以創新形式呈現公司歷史，講與社區同行嘅企業故事，策劃令人津津樂道嘅周年慶祝活動。如果你嘅公司準備籌備周年慶，原妨搵我哋傾下！