經過一年嘅試業，薄鳧林牧場終於決定喺2023年3月26日舉行盛大開幕禮、正式對外開放。喺呢座一級歷史建築，當你走入根據1919年設計而翻新嘅主樓，除咗可能會對佢揉合咗中、西建築設計嘅美觀設計驚嘆，更可以發掘香港首間奶製品公司嘅營運與歷史背景。
薄鳧林牧場前身喺舊牛奶公司高級職員宿舍。可能好多香港人都唔知道原來我哋喺一百多年前有一個本地農場生產乳製品，啱啱開始時更加只係得80隻進口乳牛。然而，公司嘅發展唔係一直都一帆風順。薄鳧林牧場曾經經歷過一次極嚴重嘅瘟疫，令到全個牧場嘅乳牛都所剩無幾！乳牛嘅數量更加一度喺十九世紀時跌到得返30隻。
好好彩，牛奶公司後來嘅乳牛數量達致高峰，有超過3000隻乳牛。如果你想知道牛奶公司點樣戰勝呢個危機、再發展成一間興旺嘅公司，咁就要到訪呢一間本地乳製品公司嘅拓荒者。不單止喺牛奶公司本身，你更加可以了解活化項目同薄扶林整個文化歷史背景。除此之外，牧場會提供兩個由薄鳧林村村民及專業牧場大使親自帶領嘅導賞團、亦可能會有唔同工作坊俾遊客參加。
記得留意官方不同社交平台同埋事先喺網上登記咗先好嚟牧場，記得唔好錯過啦！
地址： 香港薄扶林道141A號