活現香港獲頒發 2021-22 香港工商業獎

2021-22香港工商業獎頒獎典禮於 11 月 28 日舉行,活現香港好榮幸獲頒發 2021-22 香港工商業獎:創意優異證書,衷心感謝評審團肯定我哋舉辦線上導賞團嘅獨創性!面對 COVID ,開發線上旅遊令我哋喺疫情艱難時期仍得以發展,延續活現香港向世界各地人士分享香港故事嘅使命,傳揚香港嘅獨特文化。

非常感激各位朋友對於活現香港嘅支持。秉承住「價值跨越現實虛擬,讓線上線下體驗同樣精彩」嘅精神,活現香港會努力為大家帶嚟更多精彩嘅導賞體驗!

活現香港嘅線上導賞團一直深受遊客、教育工作者同企業嘅喜愛。最近,我哋將線上旅遊提升至另一個新水平,令線上旅遊變成能為各界客戶建立和講述品牌故事嘅方法。上年11月,活現香港同英皇集團合作推出「一喜活現 • 英皇80年」線上導賞活動,記錄同分享英皇集團多年嚟同香港人生活密切嘅連繫。節目吸引超過 1,000 名市民出席,席間更有歌手張敬軒陪同重溫集團與香港80年嘅時光之旅。相信即使防疫限制逐漸解除後,線上導賞團嘅發展空間會比我哋想像中仲大!

活現香港很榮幸獲頒發 2021-22 香港工商業獎:創意優異證書

如果想了解活現香港嘅線上導賞團,歡迎瀏覽:http://walkin.hk/virtual/

關於香港工商業獎

香港工商業獎旨在嘉許香港企業在提高企業競爭力的多個範疇的傑出表現和成就。獎項由政府工業貿易署統籌及直接資助經費,設有六個組別。當中由香港總商會主辦的「香港工商業獎:創業」旨在促進工商界的創意文化和表揚優秀企業。